Nakaani og daghang reklamo sa mga pasahero ang “Libreng Sakay” program sa gobyerno alang sa 01k modern jeepney, human sa tulo pa lang ka semana sa paglusad niini.
Kini nunot sa giingung ubay-ubat nga mga commuters ang giingungna stranded samtang pipila usab ka mga operator o drayber niini nga giingung naglikaysa pag-operate niini ubos sa gilangkobang programa.
Ang “Libreng Sakay” program gilusad kaniadto pang Hulyo 23 sa Department of Transportation (DOTr) ug sa Land Transportation Franchising and Regulatory Board (LTFRB), nga nagtumong sa pagpanghatag og nindut nga benipisyo sa dul-an 20,000 ka mga pasaehero sugod sa alas 6:00-9:00 sa buntag, ug 5:00-8:00 sa gabii, ug kini buhatan matag adlaw sa 01k nga sakayan gikan sa Urgello ning Dakbayan sa Sugbo paingun sa Mandaue.
Lakip sa nahisgutang benispisyo mao usab ang pagtumong nga ma os-osan ang inadlaw nga plitihan sa mga pasahero sa nahisgutang rota, diin uban sa budget nga 150–P160 milyones ug inadlaw nga subsidy nga mokabat sa P350,000, ug 100 ka modern public utility jeepneys (MPUJs) ang na-enlist sa paghatag og libreng sakay.
Apan, taliwala sa gipanglangtawang nindut nga abag sa katawhan ang maong programa, adunay singgit ang mga pasahero nga taas hinuon ang oras sa paghuwat, ug giingung gamay ra ang mga unit nga gitagana nga nibyahe, busa, napugos nalang ang uban nga modangop sa ubang matang sa transportasyon sama sa taxi, motorsiklo, ug uban pa tungod ug alang makaabot lang sa ilahang tumong nga destinasyon.
