CEBU CITY-Muabot sa 1.3 milyon pesos ang kantidad sa iligal nga drogas ang nasakmit gikan sa usa ka bagong bigtime pusher sa gipahigayong buybust operation sa Sitio Crusher Brgy. Lawa-an Talisay City Cebu.
Giila ang subject nga si alyas Yamyam Gabiola, 41 anyos ug residente sa maong lugar.
Matud ni PO3 Christopher Sisa sa Talisay Police Station nga sa higayon nga magpahigayon sila og buybust operation sagad mugawas ang pangalan ni Gaboila nga usa kini sa mga koneksyon sa mga masikop. Tungod niini gipa-ubos sa surveillance ang subject ug sa dihang na-confrim dali sila nga nagpahigayon og buybust operation.
Giingong na-sopresa ang subject ug wala na kini nakaapalag pa mao nga dali ra kini nga nasiko. Nakuha gikan sa subject ang 1 medium sized pack nga gitoohang shabu ug 4 large sized medium pack nga gitoohang shabu nga sa kinatibuk-an nagkantidad og 1.3-M pesos.
Napanglantawan nga posible nga adunay protector nga hitman ang subject tungod kay bisan bago pa kini nga pusher dako naman kini og madispose nga shabu.
Gi-asikaso na ang kaso nga ipasaka sa dinakpan ug padayon pa nga gisutakung kinsa ang supplier sa nahisgutang subject tungod kay daghan man kini nga gibulgar nga pangalan sa mga drug personalities sa dihang gi-imbetigahan kini.
