1 ka miyembro sa French peacekeeping force, patay sa Lebanon

Nakabsan sa kinabuhi ang usa ka French peacekeeper ug tulo ang nasamdan human sa usa ka pag-atake sa habagatang Lebanon.

Nagserbisyo sila isip kabahin sa United Nations Interim Force sa Lebanon (Unifil) sa dihang nahitabo ang pag-atake, diin duha ang grabeng nasamdan.

Gibasol ni French President Emmanuel Macron ang Hezbollah sa pag-atake.

Nanawagan siya sa gobyerno sa Lebanon nga dakpon ang mga anaa sa luyo sa pag-atake.

Kahinumduman nga adunay 10 ka adlaw nga ceasefire tali sa Lebanon ug Israel nga nagsugod niadtong Abril 16.