1 ka tuig nga bata, naanod-patay nunot sa bagyong Tino

Gianod-patay ang 1 ka tuig nga bata nunot sa bagyong Tino, gawas pa kini sa kumpirmadong namatay sa Bohol, karong adlawa, Nobyembre 4.

Ang patayng lawas sa bata anaa karon sa Poblacion Pardo Barangay Hall, samtang wala pa kini gikuha sa inahan ug tagtungod.

Sa pikas bahin usab, milapas na sa mga atop ang tubig baha sa daghang bahin sa Cebu ug gani ni-awas na sa mga dagkong taytayan human sa pag-igo sa Bagyong Tino.

Bisan pa man og nagpadayon ang search, rescue, ug clearing operations, apan daghang mga tawo ang nangayo pa og tabang kay wala pa sila ma-rescue.

Basi sa monitoring, ang Bagyong Tino nagpabilin nga usa ka kategorya ug karon naglihok paingon sa kasadpan sa Negros area ug paingon sa Panay Island.