-- ADVERTISEMENT --
Cebu City-Patay ang usa ka lalaki samtang samdan ang usa pa human nga naigo sa kilat sa lungsod sa Toledo kahapon sa hapon.
Ang namatay ang giila nga si Jason Alincaba, 30 anyos , ulitawo ug residente sa Brgy Canlumampaw samtang angol usab si Antonio Kamingaw, residente sa Sitio Jardin , Brgy Carmen sa nahisgutang dakbayan.
Matud ni PO1 Mark Anthony Bautista sa Toledo City PNP nga ang mga biktima ang nagpasilong sa waiting shed sa Brgy Canlupaw guman nga mibunok ang kusug nga ulan.
Kalit matud pa nga mikilat ug naigo ang duruha. Gisuway pa nga dal-on sa tambalanan ang mga biktima apan nakabsan gayud ug kinabuhi si Alincaba.
