Cebu City-Sikop ang usa ka British National human kini masigpatan nga nagkuyug ug menor de edad nga babaye ug paingon unta sa Dumaguete City.
Ang suspek ang giila nga si Sebastian Lai Cole, 33 ug temporaryo nga nagpuyo sa Brgy Madredejos Alegria Cebu. Matud ni Police Senior Inspector Marginette Yosores, nga nakit-an sa mga otoriodad ang suspek sa Puerto del Sur Port sa Brgy Liloan, Santander, kauban ang usa ka 14 nga babaye nga nagholding hands pa.
Sa dihang gipangutana sa otoridad, gibutyag niini nga ubanon matud pa niini ang 14 anyos aron himuong tour guide didto sa Dumaguete. Apan matud ni Yosores nga wala nakumbinser ang kapulisan hinungdan nga naka detain kini karon sa Santander ug gi andam na ang kasong ipasaka kaniya.
Nasayran nga nakalatid sa RA 7610 nga gidili ang usa ka foreigner nga magkuyug ug usa ka menor de edad nga dili niini paryente. Gikontak na karon sa PNP ang kabanay sa menor de edad.
