1 patay sa pagkusu kusu sa bagyong Basyang sa Southern Cebu

Cebu City- Usa ang patay sa pagkusu-kusu sa bagyong Basyang sa habagatang bahin sa Probinsya sa Sugbo.

Patay ang 57 anyos nga si Jenas Demecillo Allones residente sa Sitio Sangi Bry Madredejos sa lungsod sa Alegria human kini ang matumbahan sa puno sa lubi kagabie.

Matud ni Jules Regner, ang spokesman sa PDRRMO nga kusug nga hangin ang nasinati sa habagatangbahin sa Sugbo subay na sa presensya ni Bagyong Basyang ug gane daghang mga kabalayan ug mga punoan sa kahoy ang natumba.

Muabot usab sa 1,711 ka mga tawo ang gipaubos sa pre-emptive evacuation gikan sa lungsod sa Ginatilan, Alegria, Sibonga ug Boljoon.

Kanselado usab ang klase sa tanang lebel sa probinsya ug dakbayan sa Sugbo apil ang Mandaue ug Lapulapu.