LILOAN CEBU-Nidangop sa buhatan ang usa ka sibilyan human kini gikulata sa dul-an 10 ka miyembro sa Alpha Kappa Rho (AKHRO) pasado alas tres kagahapong adlawa, Agosto 8.
Giila ang biktima nga si Edgele Yuson Jubay, 41-anyos nga lalaki kinsang lumulopyo sa Moring Hills, Sitio Ilaya, Cotcot, Liloan, Cebu.
Nasayran, nga ang mga suspek wala pa nakontento sa pagkulata sa biktima tungod human sa komosyon nagbilin pa kini og duha ka pabuto nga gikan sa kalibre nga armas ug dali nga nisibat paingon sa norte.
Sa pakighinabi sa Bombo Radyo Cebu sa hepe sa Lilo-an Police Station nga si Police Major Eric Gingoyon, nga sa ilahang gipahigayon nga imbistigasyon nasayran nga ang sakyanan nga gigamit kay usa ka puti nga Elf Truck nga adunay Plate No. PJN 692, diin gikargahan sa mga miyembro sa AKRHO.
Sa pagkakaron, gihuptan na sa mga kapulisan ang mga importanteng impormasyon nga magtumbok sa mga suspek.
Sa laing bahin, nagpaayo na ang biktima sa tambalanan tungod sa nakuhang gisi sa iyahang ulo nga niresulta og kalipong sa biktima.
Gidugang pa sa hepe, nga dili nila ipang-tolerate ang sama sa mga gibuhat sa suspek hinungdan nga hatagan kini nila og atensyon arun masulbad ang insidente ug dili na kini mahitabi pag-usab sa ilahang lugar.
