Nabangga ang usa ka freight train sa usa ka double-decker nga bus sa Mexico, hinungdan nga nakutloan ang 10ka kinabuhi ug nakaangol og kapin 60 ka mga indibidwal.
Matod pa sa Mexico’s civil defence agency, ang mga awtoridad nagtrabaho pa sa lugar sa nahitabuan sa aksidente, ug ang opisina sa piskal sa estado nag-ingon nga abli kini usa ka imbestigasyon.
Samtang ang general office sa abogado nag ingun nga lakip sa mga namatay mao ang 7 ka mga babae ug 3 ka mga lalaki, samtang ang mga naangol anaa pa sa grabe nga kahimtang.
Matod pa, kalit nga nitungha ang tren ug nibangga sa bus sa tunga-tunga niini hinungdan nga natunga ang sakyanan sa duha ka parte, nunot sa kakusog sa impact sa tren nag nagharagos paingun sa bus.
Subay niini, ang mga otoridad wala dayon mohatag og detalye kung sa unsang paagi nahitabo ang aksidente, tungod usab kay walay makitang crossing gate o uban pang stop lights, matod sa mga saksi.
