10 patay sa pagbuto sa fireworks sa usa ka religious festival sa Mexico

Labing menos 10 ka tawo ang namatay ug 64 ang nasamdan human mibuto ang mga pabuto atol sa usa ka relihiyosong pista sa Mexico.

Nahitabo ang insidente duol sa Santa María Canchesdá samtang gipahigayon ang selebrasyon sa parokya sa Our Lady of Light.

Tungod sa kusog sa pagbuto, nadaot ang bahin sa simbahan ug adunay mga tawo nga natanggong sulod sa istruktura.

Lakip sa mga nasamdan ang duha ka pari ug mga bata.

Nagpadayon ang imbestigasyon sa mga awtoridad aron mahibal-an ang hinungdan sa insidente.