MALDIVES – Matud pa sa panultihun, “life is short”, apan mas mubu ang kinabuhi kung nagtrabaho ka ubus sa usa ka “bad boss”.
Basi sa survey, 77% sa mga empleyado ang na stress dili gumikan sa trabaho inay sa ilahang mga bosses nga walay mga kalu-uy.
Apan lahi ang gihimu sa usa ka boss sa usa ka mixed martial arts company gumikan kay gidala niini ang iyahang gatusan ka mga empleyado sa usa ka 5-star resort sa Maldives arun nga magbakasyon.
Gibutyag ni Chatri Sityodtong, tag-iya sa nahisgutang kompanya, nga impurtanti alang kaniya ang kalipay sa iyahang mga empleyado gumikan kay giingung kung wala ang mga empleyado, walay magpadagan sa kompanya.
Matud pa nga ang maong bakasyon isip pasalamat ug pagdayeg niini sa kahagu sa iyahang mga empleyado.
Nagkanayun si Sityodtong nga nasayud kining daghan sa iyahang mga empleyado ang ganahan nga maka-travel apan walay igung kwarta ug igung panahon arun nga kini buhatun hinungdan nga siya na mismo ang naghatag sa ilahang mga gipanganduy nga maka-bakasyon man lang, makapahuway gikan sa trabaho.
Gihimug-atan niini nga “deserve” sa iyahang mga empleyado ang maong bakasyon.
Kung ang ubang boss ang mu treat lang sa ilahang empleyado ug pagkaon, si Sityodtong ang migastu ug 392,000 euros o 23.2 million pesos alang sa bakasyon sa iyahang mga tawu.
