CENTRAL VISAYAS-Ipadala ang 100 kabuok mga police personel gikan sa Cebu ngadto sa Negros Oriental aron mutabang og bantay sa umaabot nga Barangay ug SK election 2023
Atol sa Send-Off Ceremony nga gihimo sa Camp Sergio Osmeña, gipasabot ni PBGEN ANTHONY A. ABERIN, ang regional director sa PRO 7 nga tuyo aning ilang pagpadala og dugang personel sa Negros mao nga aron makabaton ug malinawon ug hapsay nga eleksyon ang Negros Oriental ug sa tibuok Central Visayas pinaagi sa pagpatuman sa dugang ug taas nga police visibility.
Dugang pa ni Aberin nga ang ilang nag-unang tumong mao ang paggarantiya sa luwas, lig-on, ug malinawon nga palibot nga makapalambo sa umaabot nga 2023 Philippine Barangay ug Sangguniang Kabataan Elections (BSKE) didto sa Negros Oriental .
Gitahasan ang 100 kabuok Regional Mobile Force Batalion kon RMFB personel nga ipadala sa maong lugar gitahasan nga magpahigayon og border control, static checkpoints, ug inspections sa mga pantalan sa probinsiya aron nga mapakgang ang posibleng pagsulod sa mga kriminal nga elemento sa rehiyon.
