CENTRAL VISAYAS-Gipasidunggan ug gipasalamatan ni Cebu Gov.Gwendolyn Garcia ang 10,000 ka mga Barangay Health Workers atol sa BHWs Day nga gipahigayon sa Cebu Coliseum kagahapong adlawa Mirkules Abril 12, 2023.
Giila ni Garcia nga bayani nga wala mailhi ang mga BHWs tungod sa sakripisyo niini bisan paman sa kagamay sa ilang honoraria nga madawat lasbi na sa panahon sa pandemia ug ni pasalig kini nga suportahan ang balaodnon nga gisang-at ni Bataan 1st District Rep. Geraldine Roman nga maghimo ug usa ka Barangay Health Care Front Liners System ug regular nga sweldo nga moabot ug P13k matagbuwan.
Nahimong dakong garbo sa Sugbo nga nakauban sa BHWs si Bataan 1st District Rep. Geraldine Roman nga karun dunay dakong panglantaw sa pagpanalipud ug mo tabang sa dugay ng adbokasiya sa probinsya nga mailhan ang BHWs sa ilang paningkamot ug mahatagan kini ug regular nga sweldo.
Gawas sa pakighimamat adunay gidalit mga kalingawan sama sa pa raffle diin makadaog ug nadaiyang papremyo lakip na ang applicances ug grand price nga usa ka “3wheel electric bike”,aduna usay dance contest nga gisalmutan sa nagkadaiyang lungsod ug syudad sa lalawigan gawas niini napulo ka long serving BHWs ang gipasidungan sa maong kalihukan.
