CEBU CITY-Dula-an P100,000 nga kantidad sa kwarta, mga pakete sa iligal nga drogas,drug paraphernalia, mga cellphones ug mga mahait nga hinagiban ang narekober sa mga otorodad sa gipahigayon nga greyhound inspection sa Cebu Provincial Detention and rehabilitation center kon CPDRC.
Matud ni Police Supt Mario Baquiran ang hepe sa Provincial Public Safety Company nga kini ang ikaduha nga higayon nga nag inspection sila sulod sa CPDRC.
Gibutyag niini mas gamay ang ilahang nakuha karon apan, naa gihaoy problema sanglit naa man gihapon silay nakuha nga mga kontrabandio hilabi na iligal nga drogas.
Ang drogas ang ilang isumiter sa PDEA aron ipa laboratory samtang ang mga cellphone ug mga hait nga hinagiban ang e turn-over sa CPPO.
Ang kwarta ang ila usab nga e turn-over sa nagdumala sa CPDRC sanglit nasayran nga ang kwarta ang matud pa iyaha sa kooperatiba sa mga piniriso.
