CEBU – Mokabat sa 105 ka mga polis ang ipakatap sa 36 ka dagkong simbahan sa dakbayan sa Sugbo alang sa Misa de Gallo nga magsugod karong Disyembre 16, 2022.
Kini ang gipahibalo ni Police Colonel Ireneo Dalogdog, hepe sa Cebu City Police Office (CCPO), nga ang maong mga personahe tabangan sa daghang force multipliers lakip na ang mga barangay watcher sa matag barangay dinhi.
Magbutang usab ang kapulisan og mga Police Assistance Desk sa matag simbahan.
Nunot niini, subling gipahinumdoman usab ni Dalogdog ang publiko nga mag-alerto kanunay ilabi na nga adunay daghang kalihukan sa dakbayan karong panahon sa kapaskuhan.
Gitambagan pa sa hepe sa CCPO ang tanan sa nga hinay-hinayan ang pag-inom kung adunay mga sesyon sa pag-inom kauban ang pamilya, kauban sa trabaho, o bisan mga higala.
