CEBU CITY-11 ka mga tawo ang nasikop human nasakpan sa akjto nga nag pahigayon ug pot session sa usa ka abandonadong balay sa sitio Ponce 2, Brgy Carreta ning dakbayan sa Sugbo.
Matud ni PO2 Jerome Paquibot, ang head sa Drug Enforcemnt Unit sa Waterfront Police Station nga nakadawat sila ug tawag nga duna matud pa nga kalalakin an nga nag suyup sa interior portion sa maong baranggay.
Sa pagrespondi nasuta nga positibo ang maong report ug miresulta kini sa pagkasikop nila ni Gerson Gequilan,Joselito Sornero, Jose Winston Cuizon, Rodolfo Pepeto, Ricky Bulan, Rico Zapanta, Celestino Monares, Pauyl Vincent Cosep, Dante Maraveles, Alberto Ramos ug Joree Boy Gomeso.
Nasuta nga dili taga dakbayan sa Sugbo ang mga nasikop ug pulos kini mga construction worker.
Natanggong na karon sa waterfront police station ang mga dinakpan ug gikatakdang pasakaan ug kaso sa adlang Lunes.
