GIKOMPIRMAR ni Cebu City Councilor Dave Tumulak nga misurrender na ang duha sa 11 ka menor-de-edad nga mi-ikyas sa Operation Second Chance.
Una niini, giplano na matud pa sa mga menor de edad ang ilang pag-eskapo tungod kay gihuwat matud pa niini nga makasulod sa gate ang naghatud sa ilang pagkaon.
Sa dihang mi-abli na ang gate, kalit nga gidasmagan dayon sa mga minors ang naghatud og pagkaon dayon gawas sa gate ug natumba pa ang nagdala sa pagkaon.
Wala mapugngan ang mga naka-ikyas sanglit crucial ang balaud ug dili kini sila pwede pangbirahon ug basin pa unya og masaypan tungod kay mga bata paman.
Gitino ni Tumulak, kinsa nga sakop sa Committee on Public Safety nga 20 ka book ang miikyas apan sa dihang gigukod na sa house parents, namalik ang siyam ug ang 11 nanagan.
Apan kompirmado nga misurrender ang duha nga gihatud sa ilang mga ginikanan ug duna usab duha ka book ang ikompirmar pa kung tinood nga misurrender kini sa Cebu City Police Office (CCPO).
Gipasabot ni Tumulak nga ang operation second chance dili usa ka jail facility inay usa kini ka rehabilitation center.
Samtang gipaubos usab sa imbestigasyon sa Guadalupe PS ang pg-iskapo sa 11 ka menor de edad gikan sa Operations Second Chance.
Matud ni Police Major Dindo Alaras, ang hepe sa Guadalupe Police Station, nga ilang giimbestigaran karon ang matud pa pagpani-on sa mga minors ug pagdala og icepick aron nga maka-ikyas.
Hinoon, gikompirmar usab ni Alaras nga dunay ‘fillers’ nga dunay pa’y laing musurrender.
Hangyo usab ni Tumulak ug Alaras sa mga ginikanan sa mga minor de edad nga mi-eskapo nga makig-alayon ug mutabang sa pagpabalik sa ilang mga anak.
