Patay ang 11 ka tawo samtang 30 ang uban lakip ang 5 ka bata nga naangol sa overnight missile ug drone attack sa Russia sa silangang lungsod sa Dobropillia sa rehiyon sa Donetsk.
Sumala sa Emergnecy services sa Ukraine, nga ang pag-atake nakadaot usab sa 8 nga mga residential buildings, usa ka administrative building ug 30 ka mga salakyanan.
Dugang pa sa Ukraine Interior Ministry, gigamit sa mga pwersa sa Russia ang 2 ballistic Iskander missiles ug usa ka cruise missile, diin sa kinatibuk-an nga 145 ka mga drone lakip ang mga dummy drone sa tibuok gabii nga pag-atake.
Ingon man ang mga fighter jets ug mga mobile fire nga grupo nakapugong sa cruise missile ug 79 nga mga drone sa Russia sa yuta.
Gipakusog sa Russia ang aerial assault niini sa Ukraine nunot sa pagsuspinde sa America sa intelligence sharing sa Kyiv.
