CEBU CITY-Normal nga muobos og musaka matod pa ang rating ni Presidente Rodrigo Duterte.
Kini mao ang gibutyag sa Political Analyst og Professor sa Political Science sa University of the Philippines Dr. Carlos subay sa pag-ubos ug 11 points sa rating ni Dutertebasi sa Social Weather Stations (SWS) survey nga gipahigayon sa second quarter sa 2018.
Matod ni Carlos nga ang nature sa rating musaka man gyud og paubos og matod pa nga lahi-lahi man usab ang rason sa publiko.
Kini nunot na usab sa mga sunod-sunod nga gisagubang nga problema sa Pilipinas diin usa na niini kwestyunable nga patayan apan ang gikalambigitan sa mga pulis walay kaso nga gipasaka.
Lakip na usab ang inflation rate.
Apan gihimug-atan ni Carlos nga dili usab angayan nga dali-dalion kini og pangunahan nalang usab ang mga nanghitabo.
Mas maayo matod pa nga tutokan ang 2019 Elections sanglit nakasalalay niini ang kaugmaon sa nasud.
Samtang gisugyot pa niini nga mas maayo nga mo-shift na ang Pilipinas sa parliamentary government kung diin pwede nga mailisan dayon ang pangulo sa nasod kung wala nay salig ang katawhan dili sama sa kasamtangan nga maghuwat pa kung kanus-a mahuman ang termino.
Hayan gi-awhag niini ang publiko ilabi na ang mga botante nga musalmot sa halapad nga pagtuki kalabot sa Concom aron mahibaw-an niini kung unsa ang ilang gibotaran.
Mao kini matod pa ang tinuod nga espiritu sa demokrasya.
