Duha lang sa dose ka mga luho nga sakyanan ang nasuta sa search warrant ang napalgan sa Bureau of Customs (BOC) atol sa gipahigayong raid sa mga propyedad sa pamilyang Discaya ganihang buntag.
Mao kini ang gipaambit ni BOC Chief of Staff Jek Casipit,in usa ra ka Toyota Land Cruiser ug usa ka Maserati ang nakit-an sa lugar.
Samtang ang ubang mga sakyanan nga nalista sa warrant wala sa kabtangan sa mga Discaya.
Bisan si Sarah Discaya giingong niangkon nga ang iyang pamilya adunay 28 ka luhong mga sakyanan, dose lang niini ang nalista sa search warrant — mga sakyanan nga walay record sa Customs.
Lakip sa gitumbok sa warrant mao ang mga high-end nga sakyanan sama sa Rolls Royce Cullinan, Mercedes-AMG G63, Bentley Bentayga, ug Lincoln Navigator.
Dugang pa ni Casipit nga kaduha nila gisuway pag-serve ang warrant gabii apan wala sila pasudla.
Gipasulod lang sila ug nipahigayon og inspeksyon karon ng adlawa.
