Giimbargo sa mga sakop sa Highway Patrol Group-Central Visayas ang 12 ka gituohang mga chinap-chop nga makina sa motor nga gibaligya sa dakbayan sa Talisay.
Sumala pa sa hepe sa HPG 7, PLTCOL Wildemar T. Tiu, nga gitamperan ang mga engine number sa maong mga makina sa nagbaligya niini, ug walay igong dokumento nga gipakita sa tindera nga nasikop nga maoy magpamatuod sa tag-iya sa maong makina.
Matud ni Tui, nga ipasusi kini niya pag-ayo gumikan kay posible kini nga tampered ang mga serial number sa mga makina, hinungdan nga kung mobaligya og makina kinahanglang adunay dokumento nga nakapamatoud niini.
Pahimangno usab niini sa publiko nga susihon og tarung ang pagpalit og mga second hand nga accessories sa motor gumikan kay posible kining mga kinawat.
Ang mga kinawat nga butang nga paliton sa usa ka indibidwal possibling maapil usab nga mapasakahan og kaso sa Theft o violation sa Anti-Fencing Law.
