12 ka tawo ang namatay sa pagpamusil sa Montenegro

Patay ang 12 ka tawo human sa pagpamusil sa Podgorica, Montenegro.

Matod sa kapulisan, ang 45-anyos nga suspek nga si Aleksandar Aco Martinovic, unang nakapatay og upat ka tawo pinaagi sa pagpusil kanila sa usa ka restaurant human sa kagubot sa Cetinje.

Human sa insidente, walo usab ka mga tawo ang iyang gipusil lakip ang duha ka mga bata sa laing tulo ka mga dapit.

Ang mga biktima pulos adunay suod nga relasyon sa suspek diin ang uban mga higala niini.

Kini ang ikaduhang mass shooting sulod sa halos tulo ka tuig diin niadtong Agosto 2022, 10 ka tawo ang namatay sa pagpamusil usab sa Podgorica.