Cebu City- Padayon nga giobserbahan sa tambalanan ang usa ka 12 anyos nga batang babaye human kini ang matagakan sa bunga sa lubi nga natumba sa ilang balay ganihang kaadlawon sa Brgy Cajinti lungsod sa Siquijor Siquijor.
Matud ni Siquijor Disaster Officer Blezela Mae Omictin nga ang bata ang giila nga si Jen May Balos. Matud pa nga natumba ang puno sa lubi sa ilang balay ug ang bunag niini natagak gayud sa bata hinungdan nga nakasinati kini ug sakit sa iyahang wala ang bukton.
Dali nga gidala sa tambalanan ang bata ug gipaubos na sa medical examination. Hinuon naa na kini sa luwas nga kahimtang. Nasayran nga ang pagkatumba sa lubi nga eoekto gihapon sa bagyong Basyang diin ang Bohol ang ubos sa signal number 1 diin nabati ang kusug nga hangin ug mga paguwan ganihang buntag. Gumikan usab sa bagyo, dunay sanaga sa kahoy ang nangaputol samtang nahitabo usab ang brownout apan nabalik man hinuon dayon ang supply sa kuryente.
Gibutyag ni Omictin nga sa pagkakaron dili na kaayo mabati ang kusug nga hangin ugb mga pag ulan apan nagpabilin gihapon silang alerto pananglitan dunay mahitabong emerhensya. Walay natalang pagbaha ug mga pagdahili sa yuta sa probinsya sa Siquijor.
