Patay ang 12 ka tawo human miulbo ang wildfire sa Turkey ug Cyprus, lakip ang 10 ka mga bombero ug duha ka sibilyan, samtang padayon nga nasinati nila ang Mediterranean heatwave.
Matud sa mga awtoridad sa Turkey nga unom ka managlahing sunog ang ilang girespondihan diin lakip niini ang probinsya sa Eskisehir, Afyonkarahisar ug Bilecik.
Gumikan sa kakusog nga hangin ug grabeng kainit kay nakapasamot kini sa sitwasyon, diin niresulta usab sa kapin 14 ka mga bombero ang naangol ug liboan ka mga residente ang namakwit.
Samtang, sa Cyprus, duha ka tawo ang nakit-an nga patay sa ilang awto human natanggong sa kabukiran sa Limassol.
Gibana-bana nga anaa sa 124 square kilometers ang kalapdon sa kalasangan.
Ingon man nga pipila ka mga nasud usab ang nagpadala na og tabang sama sa Jordan, Egypt, Spain, Greece ug Israel.
