Cebu City-Mikabat sa 123 ka mga armas ang gipang surrender sa mga kapulisan sa dakbayan sa Toledo.
Matud ni Police Supt Randy Corret, ang hepe sa Toledo City Police Station, nga ang maong kampanya ang gipahigayon sulod na sa 35 ka adlaw.
Tumong matud pa sa maong programa mao nga ma zero ang gun related deaths sa ilang lugar.Lakip sa mga arm,as nga nakuha mao ang m16, shotgun, caliber 45 , 38 revolver ug uban pang mga paltik nga armas.
Gibutyag niini nga 12 lamang sa nahigutang ihap ang dunay lisensya apan na expired na ug ang kasagarang sa mga gipang surrender mao ang mga loose firearms.
Nabatasanan na matud pa sa mga tawo ang paghupot ug armas apan gitino niini nga gikinahanglan kumpleto gayud kini sa dokumento.
Samtang ipaubos sa background investigation ang mga missurender sa ilang mga armas nga walay lisensya. Matud ni Corret nga dili man mapasakaan ug kaso ang mga tag-iya sa maong mga armas gumikan kay boluntaryo man kining gisurrender sa tag-iya.
Apan aron masuta kung nganong naghupot sila sa maong mga armas, ipaubos sila sa imberstigasyon.Sutaon usab kung nagamit ba sa krimen ang maong mga armas .
Isumiter usab kini sa higher headquarters sa PNP aron sila na maoy maghukom kung unsa ang buhaton sa mga nakumpiskar nga mga armas.
Padayon gihapon nga gipanawagan sa hepe sa kapulisan sa dakbayan sa Toledo ang kinsa pa nga naghupot ug armas sa ilang lugar nga issurender na kini sa kapulisan.
