PROVINCE OF CEBU, NAGA-Nahimong usa ka damho ang gidangatan sa 13 ka mga turistang Hapones nga giingong paingon motan-aw sa mga whale shark sa dihang ang van nga ilang gisakyan, nabangga sa usa ka prime mover truck sa national highway sa Barangay Langtad, dakbayan sa Naga, Marso 9, 2024.
Hinungdan nga nakaangkon og samad sa nagkadaiyang parte sa ilang kalawasan, ingon man ang van driver, ug ang Filipina tour guide.
Gitino ni Police Lieutenant William Homoc, ang hepe sa kapulisan sa Dakbayan sa Naga, nga basi sa imbistigasyon sa kapulisan sa Naga Police Station, nasuta nga ang mga turistang Hapones nga giubanan sa tour guide ug gikatahong paingon kini sa lungsod sa Oslob alang sa usa ka whale shark watching activity.
Samtang ang prime mover truck padulong sa dakbayan sa Sugbo.
Gidugang usab sa opisyal nga wala’y mahitabo nga pagpasaka og kaso gani, aminado ang habig sa van nga mao’y sad-an hinungdan nga gihikay na niini ang compromise agreement ingon man nga andam kini nga moabaga sa mga damages.
Subay niini, gipahimangnoan ni Police Lt. Homoc ang tanang mga motorista nga magbinantayon ug mag-amping nga mobyahe sa Naga hilabi na nga gikan sa Minglanilla nga tungod sa kalapad sa dalan, magpatuyang na sa gibati ang uban.
