Nakabalik na sa Pilipinas ang13 ka mga mabdos nga pinay nga napriso sa Cambodia tungod sa illegal surrogate mother sa maong nasud.
Sa gipagawas nga pahayag sa Department of Foreign Affairs (DFA), 13 ka mga Filipino ang gisilotan niadtong Disyembre 2 ning tuiga tungod sa paglapas sa Cambodia’s Suppression of Human Trafficking law.
Tungod sa padayong paningkamot ug komunikasyon sa ahensya, nahatagan sila og pardon ug gibuhian dayon alang sa ilang tagsa-tagsa ka immediate repatriation.
Nagpasalamat ang DFA kang King Preah Bat Samdech Preah Boromneath Norodom Sihamoni sa pagpaminaw ug paghatag og pardon sa 13 ka pinay.
Samtang, ang harianong gobyerno sa Cambodia milugway usab og hinabang o humanitarian treatment aron pag-uban sa mga Pilipino sa proseso sa ilang mga kaso.
Dili kini ang unang higayon nga natala sa DFA ang maong insidente nga naglambigit sa illegal surrogacy nga naglambigit sa mga pinay nga babaye.
Ang ahensya padayong nagpahinumdom nga adunay mga nasud lakip ang Cambodia diin gidili ang surrogacy ug bisan kinsa nga makalapas niini kay silotan ubos sa balaod sa Cambodian.
