CEBU CITY-Gilugos ang usa ka 14-anyos nga batang babaye sa usa ka lalaki nga iyang nahimamat sa ilawom sa viaduct sa South Road Properties.
Matod ni Police Lieutenant Colonel Janette Rafter, ang Deputy City Director for Operations sa Cebu City Police Office nga padayon pa ang kapolisan sa pag-verify sa tukmang sirkumstansya sa maong insidente.
Kini human nga gi-report kini sa Carbon Police Station niadtong Marso 14, 2024 diin gisaysay sa biktima nga gitanyagan kini og soft drink sa sa lalaki ug sa dihang nainom na niini, kalit kining nawad-an og panimuot.
Dugang usab sa opisyal nga wala’y gihatag nga detalye ang biktima bahin sa lalaki.
Gipaubos sa medical examination ang bata sa Vicente Sotto Memorial Medical Center ug kung gani mapamatud-an nga gihilabtan kini, ipasaka ang kaso ug sugdan na ang hot pursuit operation batok sa giingong suspetsado.
Subay niini, gikwaan ug habig sa Bombo Radyo Cebu News Team si Cebu City Councilor Philip Zafra, isip Chairman Committee on Public Order, matud niini wala pa nakadawat ang ilang buhatan sa maong insidente ug iya pa kining i-verify.
Apan, bisan paman niini mipasalig kini nga mga isolated cases ang maong panghitabo ug hatagan dayon kini og pagtagad sa mga sakop sa kapulisan.
