NEGROS ORIENTAL – Katorse ang patay sa gipahigayon nga Simultaneous Enhanced Managing of Police Operations (SEMPO) OPLAN SAWRON sa Police Regional Office 7 didto sa Negros Oriental.
Sa mga nangamatay , walo niini ang nagikan sa Canlaon city, upat sa Manjuyod samtang duha usab ang sa Santa Catalina. Matud ni Police Brigadier General Debold Sinas nga ang maong operasyon ang pinasikad sa search warrant sa kaso nga illegal possession of firearms. Dunay 37 ka search warrant ang dala sa kapulisan apan 31 palang niini ang ilang na serve.
Dugang pa sa PRO7 Director nga gituhan nilang mga supporters ingon man mga cadres ug sakop sa SPARU sa NPA sa Negros Oriental ang mga nangamatay.
Apan gitino ni Sinas nga ila pang ipaubos sa verification ang mga nakuhang impormasyon.
Gawas sa 14 ka mga nangamatay, duna usab silay nasikop nga 12 ka mga indibidwal sa susamang kaso. Ang mga namatay mao sila si : 1) Steve Arapoc, Pansiao Manjuyod
2) Manulo Martin, Pansiao , Manjuyod
3) Sonny Palagtiw, Pansiao, Manjuyod
4) Eric Acabal, Kandabong , Manjuyod
5) Edgardo Avelino, Panubigan, Canlaon City
6) Esmael Avelino, Panubigan, Canlaon City,
7) Rogelio Recomono, Masulog, Canlaon City
8) Genes Palmares, Aquino , Canlaon City
9) Gonzalo Rosales,Pula Canlaon City
10) Ricky Recomono, Masulog, Canlaon City
11) Melchor Panarez, Bayog, Canlaon City
12) Mario Panares, Bayog , Canlaon City
13) Ano Enojo Rapada, San Pedro Sta. Catalina
14) Franklin Lariosa, Talabak, Sta Catalina
Samtang nasamdan sa operasyon sa Sta Catalina mao si PO2 Ian Puerto human kini nga gipabuthan sa ilang subject sa Sta Catalina.
Naigo sa iyang tiil paingon sa iyang sampot ang pulis hinungdan nga gidala kini dayon sa tambalanan.Hinuon , naa na kini karon sa luwas nga kahimtang ug dili na kinahanglan nga operahan.
Nasakmit usab sa kapulisan ang mga nagkadaiyang armas, granada ug uban pang mga subersibong dokumento.
