CEBU CITY – Makita nga anaa na sa state of decomposition ang babaye sa usa ka fishpond sa Sitio Anapog, Barangay San Miguel, lungsod sa Asturias, Cebu.
Giila ang biktima nga si Genevib Entenado, 15 anyus ug residente sa Barangay Poblacion, sa nahisgutang lungsod.
Sa pakighinabi sa Bombo Radyo kang Police S/Insp Roger Quijano, ang hepe sa Asturias Police Station, gisaysay niini nga niadtung Agosto 24 sa dihang gi-report sa ginikanan nga nawagtang ang ilahang anak.
Giingung Agosto 22 sa dihang mi-disco ang biktima sa laing barangay ang biktima apan wala na kini maka-uli.
Matud ni Sr/Insp Quijano nga duha ka lalaki ang midu-ul sa ilahang buhatan ug mitaho nga adunay babaye nga wala na’y saput ug wala na’y kinabuhi sa usa ka fishpond hinungdan nga ilaha kini gilayun nga girespondihan.
Positibo usab kini nga giila sa ginikanan.
Basi sa inisyal nga pagsusi sa kapulisan, giingung posibling gikulata ug gilugus ang biktima.
Subay niini, ipailawum sa medico legal ang lawas sa biktima arun nga masayran ang hinungdan sa kamatayun niini ug mahatagan ug aksyon batuk sa posibling suspek sa maong krimen.
Nasayran nga adunay gisundan karun ang kapulisan sa Asturias nga posibling suspek sa linu-ug nga krimen.
