Gibana-banang 15,000 ka mga delegado ang mobiyahe paingon sa Ilocos Norte alang sa Palarong Pambansa karong tuiga nga gikatakda sa Mayo 25 hangtod Mayo 30.
Naglakip kini sa mga student-athletes, coaches, ug game officials gikan sa 20 ka mga asosasyon sa atleta sa tibuok nasud.
Kini gilangkoban sa 18 ka rehiyon, lakip ang National Academy of Sports, ug ang Philippine Schools Overseas.
Nasayran nga kini ang labing unang higayon sulod sa halos unom ka dekada nga ang Palarong Pambansa mobalik sa Ilocos Norte, diin ang probinsiya sa katapusang nag-host niini niadtong 1968, dihang si kanhi Pang. Ferdinand Marcos Sr.
Magsilbi nga sports venues ang 11 ka lungsod ug siyudad sa probinsiya diin kini naglakip sa Laoag City, Batac City, Bacarra, Burgos, Dingras, San Nicolas, Pasuquin, Piddig, Paoay, San Nicolas, ug ang lungsod sa Sarrat.
Niining 2025 nga Palaro, ang National Capital Region (NCR) nagsilbi gihapon nga defending champion, nga nakakuha og 17 ka sunodsunod nga daog sa Palaro, labing bag-o sa miaging tuig nga Palaro nga gipahigayon sa Cebu City.
Samtang, sa 2025 edition sa mga duwa, adunay daghang mga pagbag-o nga gipaila sa mga nag-organisar.
Apil na niini ang pagdugang sa weightlifting isip demonstration sport, samtang ang pole vault (secondary girls) ug pencak silat mahimong regular nga sports.
