CENTRAL VISAYAS-Mikabat 15 ka mga mugbo ug high-powered nga armas, explosives, ug mga bala ang narekober sa sakop Special investigation Task Group gahapon sa hapon gikan sa tulo ka balay ni Negros Oriental 3rd District representative Congressman Arnulfo “Arnie” Teves sa Barangay Malabugas, Bayawan City, Negros Oriental.
Matod pa ni Police Colonel Thomas Valmonte ang hepe sa Legal Division o Criminal Investigation and Detection Group (CIDG) nga usa sa mga balay nga gironda sa Bayawan city ang gikatahong gipanag-iya ni Congressman Arnulfo Anrie Teves ug lain pang mga balay nga gipanag-iya niini.
Hinuon giklaro ni Valmonte nga kini nga mga operasyon walay direktang kalambigitan sa pagpatay niadtong Marso 4 kang Negros Oriental Governor Roel Degamo.
Gikabutyag usab sa naasoy nga pulis official nga kabahin sa ilang Oplan ang pagpatuman sa search warrant sa lima ka balay ni Congressman Teves.
Ang Oplan Paglalansag Omega, usa ka flagship program sa CIDG batok sa illegal possession of firearms.
