16 ka tawo patay sa missile attack sa Russia sa Kharkiv

Patay ang labing menos 16 ka mga tawo human ang usa ka airstrike sa Russia naigo sa usa ka pinakadako nga tindahan sa hardware sa rehiyon sa Kharkiv sa Ukraine.

Lakip sa namatay mao ang usa ka 12-anyos nga batang babaye, samtang labing menos 10 ka mga tawo nga nakaangkon og mga samad ang gidali sa pagdala sa tambalanan.

Ang nasangpit nga pag-atake nagsunod sa pag-abante sa mga pwersa sa Russia sa amihanan-sidlakang Ukraine.

Gitawag ni Ukrainian President Volodymyr Zelensky ang pag-atake nga “brutal” tungod kay daghan sa mga biktima ang inosente.

Gipaneguro niini nga mobalos sila ug dili basta-basta makasulod sa nasangpit nga lugar ang pwersa sa Russia.