CEBU CITY — Gi-isolate na karon ang mga sakop sa San Nicolas Police Station sa dakbayan sa Sugbo, lakip na ang 16 ka mga police officer human nalakip sa mga kumpirmadong kaso sa coronavirus disease o COVID-19.
Matud sa hepe sa San Nicolas PNP nga si Police Major Edward Sanchez nga pulos mga asymptomatic ang nahisgutang mga pulis, lakip na ang tulo ka mga non-uniformed police officers, ug duha ka mga helpers human gipaubos sa COVID-19 test sa nakalabay nga adlaw.
Gibutyag niini nga posibleng nakuha ang virus gikan sa usa sa mga dinakpan sa nang-aging mga buybust operations sulod sa area of responsibility.
Gipaubos na karon sa quarantine ang mga sakop ni Sanchez sa sulod sa buhatan samtang gi-isolate ang uban pa sa sports gym.
Nagpaalim karon sa Don Vicente Rama National High School, isip usa sa mga isolation centers, ang mga police officers.
Ipatuman sa maong police station ang physical distancing aron malikayan ang pagkatap sa virus.
