CEBU CITY-Muabot sa 17 ka mga estudyante ang nagsuka, ug nagwild tungod kay matud pa na hyperventilate sulod sa Can-asujan National Highschool sa dakbayan sa Carcar, probinsya sa Cebu.
Matud ni Kim Lauron sa Carcar, City Disaster Risk Reduction Management Office nga usa ka estudyante ang wala hinganli nga mi-apil sa ilang festival of festivals alang sa Charter Day ang kalit nga natumba atol sa lunch break ug didto nagwild nga daw sama nga nasudlan og espiritu.
Pipila ka minuto ang nakalabay, daghan na usab nga mga estudyante ang nagwild ug nagsuka hinungdan nga gidala kini sa tambalanan.
Nasuta nga hyperventilation matud pa ang nahitabo ug makatakod kini kung si kinsa man ang mudool.
Gisuta pa usab karon ang tinood nga hinungdan sa maong insidente samtang stable na ang kondisyon sa naasoy nga mga estudyante.
