CEBU CITY-Muabot sa 17 ka mga armas ang nakompiskar sa Criminal Investigation and Detection Group -Cebu Province sa gihimong pagpanronda sa Brgy Cogon Danao City pinasikad sa 11 kasearch warrant sa probinsya sa Cebu.
Matud ni Police Chief Inspector Chuck Barandog sa CIDG-Cebu nga nakadawat kini ug impormasyon nga naghitak sa nahisgutang barangay ang pagpamaligya ug illegal nga droga u mga armas.
Sa nahisgutang operasyon nadakpan sina, Roel Geiparines, Edgar Manulat, Orlando Manulat, Gerry Manulat, Fernando Batoon, Hanz Batoon ug Bernardino Enriquez.
Matud pa ni Barandog nga ang subject sa nahisgutang search warrant kay mga miyembro sa Arioja Gang nga gituohang involve sa illegal nga pagpamaligya ug mga armas. Sa 17 ka mga arams nga nakuha sa kapulisan, 5 ang high powered, 7, ang low powered ug 5 usab ang home-made.
Nakuha usab sa mga kapulisan ug mga pakete nga gituohang shabu nga muabot sa 1.4 million pesos. Sa pagkakaron anaa na sa kustodiya sa CIDG Cebu ang mga dinakpan ug gi-andam na ang kaso nga isang-at batok niini.
