17 ka tawo, missing human nalunod ang tourist ship sa Red Sea

Labing menos 17 ka mga tawo ang gikataho nga nawala human ang usa ka tourist boat natikyaob sa Red Sea.

Diin ang barko adunay 31 ka turista ug 14 ka tripulante nga sakay ug 28 niini ang naluwas.

Sumala sa mga awtoridad nakadawat sila og distress signal gikan sa barko nga Sea Story.

Giingon nga ang Sea Story mibiya sa pantalan duol sa Marsa Alam alang sa lima ka adlaw nga diving trip.

Matud ni Maj-Gen Amr Hanafi nga ang mga naluwas nakit-an sa Wadi el-Gemal sa habagatang bahin sa Marsa Alam.

Gidala dayon sila sa tambalanan aron mahatagan og first aid.

Sa pagkakaron, ang barkong iggugubat sa Egyptian Navy nga El Fateh ug mga eroplanong militar kay nagpakusog sa pagpangita sa mga nawala nga biktima.