Gitabangan sa Estados Unidos ang 17 ka mga United States citizens nga mobakwit gikan sa Gaza City.
Kini human nga natanggong sila sa kagubot sa maong dapit human sa pag-atake sa Israeli Defense Forces, ug ang pagsira sa Rafah border crossing sa Egypt.
Pinaagi sa tabang sa Embahada sa Estados Unidos sa Jerusalem, luwas nga nabakwit ang mga American doctors.
Samtang padayon usab nga nakigkomunikar ang embahada sa grupo nga naglakip sa maong mga doktor, ingon man sa ilang mga pamilya.
Sa laing bahin, gawas niini, gikataho usab nga adunay laing tulo ka US citizen nga mga doktor nga pulos kabahin sa volunteer medical mission nga mas gusto gihapon nga magpabilin sa Gaza bisan pa sa ilang kahimtang karon alang sa ilang katuyoan nga mahatagan og atensyon medikal si bisan kinsa sa panginahanglan nga apektado sa nagpadayong kagubot sa maong dapit.
