17 patay sa airstrike sa Russia sa prison facility sa Ukrainian

Patay ang 17 ka mga tawo human sa usa ka airstrike sa Russia sa mga pasilidad sa bilanggoan.

42 ka mga tawo usab ang nasamdan sa insidente tungod sa pag-atake nga nahitabo sa Zaporizhzhia.

Ang nasampit nga insidente nakaguba sa duol nga mga balay ug mga bilding.

Sumala sa lider sa rehiyon nga si Ivan Fedorov, ang Russia naglunsad og walo ka high-explosive aerial glide bombs.

Nunot niini, gikondena ni Ukrainian President Volodymyr Zelensky ang mga aksyon sa Russia sa correctional facility.

Ang Zaporizhzhia usa sa upat ka silangang rehiyon sa Ukraine nga giangkon sa Russia.