Cebu City – Nag negatibo sa drugtest ang 17 years old nga ulitao kinsang akusado karon sa pagpatay kang Christine Lee Silawan, ang Grade 9 student sa Lapu-lapu City, Cebu nga gipanitan ang nawng ug gikuha pa ang pipila sa mga internal organs.
Kini human nga gipaubos sa drugtest ang akusado nga si Alyas Jun human nga nasikop niadtong mga nakalabay nga adlaw tungod na usab sa mga CCTV footage ug mga messages niini ngadto kang Silawan.
Apan wala matud pa nakumbinsir ang NBI-7 sa maong resulta.
Matud ni NBI-7 Director Atty. Tomas Enrile nga duna silay mga konkreto nga ebedinsya nga makapagpamatuod nga ang 17 years old nga ex-boyfriend ni Christine ang mipatay kaniya.
Duna usab matud pa sila mga ebedinsta nga maka-challenge sa mga witnesses ni alyas Juan karon. Apan nagdumili sa pagbutyag ang NBI na sa giingong ebedinsya sanglit nagpadayon man ang imbestigasyon.
Samtang, nagkanayon si Dr. Rene Cam, ang medico legal officer sa NBI-7 nga gisusi na nila karon ang bisti sa akusado nga duna matud pa lama sa dugo.
Gikuha-an na og reference sample ang mga ginikanan ni Christine para ipa-ubos sa DNA test kung mumatch ba kini sa mga naasoy nga mga lama sa dugo.
