Hingpit nang natuldokan ang State of the City Address (SOCA) ni Cebu City Mayor Nestor Archival gahapong adlawa, Hulyo 7.
Diin, gipaambit niini ang mga kalamboan ug kalampusan sa natad sa Healthcare, Transportation, Tourism and Infracture, Safety and Social protection, Revenue generation, ug Environment sulod sa termino sa iyang paglingkud sa dakbayan sa Sugbo.
Gitagaan usab og pasidungog ni Archival nga kini nga mga kalampusan dili lang tungod nila nga naglingkod sa katungdanan, apan labing haligi niini mao ang mga Sugboanong nipili kanila, hinungdan nga giila niya nga kalampusan sa tanan kung unsa man ang anaa sa kasamtangan.
Samtang, gi-reshuffled sa17th Sangguniang Panglungsod sa Dakbayan sa Sugbo ang mga assignments sa komite nga nagbilin kang Cebu City Vice Mayor Tomas Osmeña nga walay bisan unsang chairmanship.
Si Osmeña, kinsa kaniadto nangulo sa Committee on Education, Science and Technology, karon nag-focus na lamang sa iyang papel isip presiding officer. Si Franklyn Ong na karon ang nangulo sa komite.
Samtang, gipasiugda usab ni Osmeña ang mga importanteng nahimo sa iyang unang tuig sa katungdanan subay sa tinuig nga sesyon sa organisasyon niini.
Lakip sa mga inisyatibo nga iyang gihisgutan mao ang pagtukod og 24-hour public library, budget streamlining para sa Opisina sa Bise Mayor ug sa Konseho sa Dakbayan, pagmugna og kapin sa ₱500 milyon nga savings, paggahin og mga one-third sa badyet sa programa sa CHAMP para sa mga senior citizen, ug paglusad sa programa sa “Mayor of the Night” aron mapauswag ang paghatud sa serbisyo sa gobyerno lapas sa regular nga oras sa opisina.
Sa pikas bahin, mosagop ang Cebu City Council sa bag-ong House Rules for Fiscal 2026-2027, diin lakip usab ang pagpili sa officers sa 17th Sangguniang Panlungsod.
