-- ADVERTISEMENT --
CEBU – Patay nang nakaplagan usa ka 18 anyos nga lalaking gikatahong adunay deperensiya sa pangisip sa Lower Ylaya, Brgy. Can-asujan, dakbayan sa Carcar.
Mismong si Police Lt. Colonel Ardiolito Cabagnot, hepe sa Carcar police, ang niila sa biktima nga si Renante Rosales, nga nagpuyo sa ra usab sa naasoyng dapit.
Nakit-an ang patayng lawas ni Rosales sa kasagbutan sa usa ka awaaw nga dapit nga adunay daghang samad dinunggaban sa nagkadaiyang parte sa lawas ug linaslasan sa ubol-ubol.
Nasayran nga nagdako si Rosales sa mga kamot sa Dept. of Social Welfare and Development (DSWD).
Apan sa nakalabay nga tulo ka mga tuig, anaa na kini nagpuyo sa balay sa iyang igsuon nga babaye nga adunay kapuyo.
-- ADVERTISEMENT --
