LAPU-LAPU CITY, CEBU-Gi-rescue ang 18 ka mga estudyante nga nag-island hopping sa usa sa mga isla sa dakbayan sa Lapu-Lapu.
Kini human nga naguba ang timon sa ilang pumpboat nga nakaagi sa mabaw nga bahin sa kadagatan dihang naabtan sa paghunas.
Kung diin hapit na mag alas 10:00 sa gabi-i sila na-rescue nga nag-utaw-utaw sa Pangan-an island.
Matud ni Nagiel Bañacia, kinsa nangu sa City Disaster Risk Reduction Management Office nga nakadawat silag tawag labot sa pagpangayo og tabang sa maong pumpboat, hinungdan nga dali sila nga miresponde kauban sa Emergency Rescue Unit sa Philippine Red Cross Lapu-Lapu/Cordova Chapter.
Gidala ang mga tinun-an sa pantalan sa Sta. Rosa sa Olango Island alang sa medical assistance, human gidala sila mainland sa siyudad sa Lapu-Lapu.
