CEBU CITY-Di mominos 18 ka LGUs ang nipadayag sa ilang tinguha nga mosalmot sa maong talan-awon atol sa ikaduhang coordination meeting sa Provincial Youth Festival karong umaabot Enero 14.
Mao kini ang mga dakbayan sa Lapu-Lapu, Mandaue, Talisay, Naga, Carcar ug Toledo; ingon man ang mga lungsod sa Argao, Samboan, Barili, Tuburan, Madridejos, Carmen, Poro, Tudela, Consolacion ug Moalboal.
Mosalmot isip guest performer ang Tribu Lumad Basakanon sa dakbayan sa Sugbo, ingon man ang Munisipyo sa Minglanilla, diin ikauban ni Gobernador Gwen sa pagsayaw alang sa iyang tinuig nga paghalad sa Sinulog ngadto sa Balaang Bata.
Kining mga LGU, lakip ang mga contingents gikan sa independent tri-city sa Sugbo, Mandaue, ug Lapu-Lapu, angayan nga makadawat sa P2 Million subsidy sa Kapitolyo alang sa mainland Cebu LGUs ug P2.5 milyones nga subsidy sa isla LGUs sa Bantayan ug Camotes.
Gi-update usab ang mga premyo aron maapil ang lima ka mga grupo nga nagdaog.
Unang ganti makadawat gihapon og P3 Milyones gikan sa Kapitolyo; ang ikaduhang ganti makadawat og P2 Milyon; ang ikatulong ganti makadala ug P1.5 Milyones; ikaupat nga ganti makakuha og P 1 Milyon; ug ang ikalimang ganti makadawat og P750,000.
Samtang ang consolation prize makadawat og P500,000.
Gibutyag usab ni Governor Gwen Garcia, nga sa abellana ipahigayon ang Sinulog sa kabataan sa lalawigan ug sa dakbayan aron sa hapsay nga Sinulog.
Matod ni Garcia, kinahanglan nga mag tinabangay ang tanan alang sa umaabot nga fiesta senor ilabi na sa mga aktibidad niini.
