CEBU PROVINCIAL-Naka record og 1,813 ka anti illegal drug operations ug nakadakop og 2,163 ka mga drug personalities ang Cebu Provincial Police Office kon CPPO atol sa ilahang anti-criminality and law enforcement operations sa tibuok probinsya sa Sugbo sa buwan sa Enero hangtud Nobyembre ning tuiga o sulod lamang sa 11 ka buwan.
Sa mga nasikop nga drug personalities aduna nay 3,862 ang napasakaan na og kaso ug giingong shabu ug marijuana ang pinaka bantog ug daghan nga nakompiskar sa CPPO.
Sa kasamtangan, padayon ang ilahang barangay drug clearing operations kung diin usa ni sa mga programa nga ilang hingpit nga gipatuman.
Niawhag usab si Pmajor Abellana sa katawhan nga magbinantayon, magpakabana, ug mu report dayon kung adunay mga kakulian.
Ingon pa man nga gisigurado sa ilang buhatan nga andam ang kapulisan sa pag responde sa mga kakulian sa matag lungsuranon ug ilahang gi maintainar ang motto nga serve and protect maong ila gisiguro nga adunay peace and order sa mga probinsya dinhi sa sugbo.
