Miabot na sa 19 ang namatay sa Bagyong Bualoi ug 21 ang missing human kini miigo sa Vietnam niadtong Lunes, Septiyembre 29.
Ang Bualoi gikonsiderar nga labing kusog nga bagyo nga miigo sa nasud karong tuiga, nagdala sa kusog nga pag-ulan nga hinungdan sa pagbaha ug pagdahili sa yuta sa amihanang Vietnam.
Sumala sa gobyerno sa Vietnam, labing menos 88 ka mga tawo ang nasamdan, kapin sa 100,000 ka mga balay ang nakahiagum og gamay nga kadaot ug gibana-bana nga 10,000 ka ektarya sa mga humay ug mga umahan ang nalubog pa sa tubig baha.
Base sa report sa Vietnam weather agency, nilapas na sa 300mm ang lebel sa tubig sa pipila ka bahin sa nasud, ug ang kusog nga pag-ulan, kusog nga hangin ug kilat gibanabana tungod sa dili maayo nga panahon.
Nagpadayon gihapon ang pagbaha sa amihanang bahin sa nasud, nga adunay daghang mga dalan nga gisirad-an ug wala’y kuryente sa lugar.
