CENTRAL VISAYAS-Nasikop ang giingong gikahadlokan sa Sitio Langob, Barangay Poblacion dakbayan sa Lapu-Lapu ang 19-anyos nga lalaki nga kanunay nga magpakitag armas atol sa gipahigayon nga buy bust operation sa Criminal Investigation and Detection Group Mandaue City Field Unit.
Giila ang suspetsado giila nga si Cleave Ardiente taga Sitio Kawayan, Barangay Gun-ob sa dakbayan sa Lapu-lapu.
Nasayran nga nakuha gikan kang Ardiente ang kalibre 357 ug ang P500 nga buy-bust money.
Matud pa ni Police Captain Nigel Sanoy, ang hepe sa CIDG Mandaue City Field Unit nga nakadawat ang ilang buhatan og reklamo kalabot sa kanunay nga pagpakita og armas sa ilang lugar ug sa gihimong background investigation nasuta nga nanunggab kini sa milabay nga mga buwan apan wala mopasaka og kaso ang biktima tungod sa kahadlok.
Ingon man nga usa usab kini sa mga iladong kawatan ang maong dinakpan.
Pinaagi sa “Oplan Paglalansag Omega” sa CIDG, malampuson nga nasikop ang 19-anyos ug nag-atubang sa kasong Kalapasan sa Republic Act 10591 o kon Illegal Possession of Firearms.(CIDG MANDAUE)
