Patay ang 19 ka mga pasahero nga sakay sa Russian military plane human kini nahagsa sa Siberia niadtong Nobyembre 17.
Sumala sa Ministry of Defense sa maong nasud, usa ka eroplano nga An-12 ang nahagsa sa usa ka lugar nga walay nagpuyo sa rehiyon sa Kemerovo sa Siberia samtang anaa kini sa usa ka naka-eskedyul nga biyahe.
Samtang nagpahigayon pa og imbestigasyon ang mga awtoridad ug gipahibalo ang maong ahensya nga ang pagkahagsa mahimong tungod sa usa ka teknikal nga problema.
Matod sa gobernador sa rehiyon, daling napalong sa mga responder ang kalayo sa nahagsaan nga lugar, nga nahimutang duol sa baryo sa Yagunovo. Gikordon na usab sa kapulisan ang dapit diin nahagsa ang eroplano.
Nagpahimutang na ang lokal nga gobyerno og helicopter ug gipalihok ang mga pasilidad medikal sa duol aron makahatag og tabang ug pagtambal kung gikinahanglan.
Wala pa mahibal-i kung aduna bay laing kargamento nga gidala ang maong eroplano.











