CEBU CITY– Operational na ang labing unang ‘Isolation Room’ nga gi-implement sa Barangay Poblacion Pardo agi og pagsanong sa mandato sa chairman sa
Commitee on Public Order and Safety nga si Konsehal Dave Tumulak nga magbutang og isolation room ang matag barangay alang sa pakigbatok sa 2019 nCoV- ARD.
Kini alang usab sa pagmonitor kung dunay mga residente nga makisanati og flu like symptoms aron nga dali mamonitor.
Matud ni Brgy. Pardo Captain Manolita Abarquez sa dihang nahinabi sa Bombo News Team sa tulumanong Bombo Barangayan, nagkanayon kini duna na hinoon sila’y edipisyo nga bakante hinungdan nga pagmando ni
konsehal Dave Tumulak, iya dayon nga gilihok ug gigamit ang maong
building.
Labing una kini nga barangay nga nakabutang dayon og isolation room kung diin duna usab mga health workers nga mu-atiman sa mga pasyente 24/7.
Dugang pa niini, duna na usab nga gipangbutang nga mga tarpauline nga dunay kasayuran kalabot sa nCoV ang mga barangay officials sa ilang barangay aron nga ma-aware ug ma-edukar ang ilang konstituwente.
Duna usab mga flyers nga ipanghatag sa matag residente sa barangay nga dunay nakalatid nga impormasyon sa pinulungang binisaya aron masabtan sa tanan.
Nanawagan na usab si Kapitan Abarquez sa mga taga Pardo ilabina sa wala pa masayod nga aduna na silay isolation room nga
mamahimo na’nag kadangpan.
Sa umaabot, gipahibaw usab ni Kapitan Abarquez nga gamiton na kini nila’ng maong pasilidad isip ‘health facility’.
For the actual video refer to this link: https://www.facebook.com/BomboRadyoCebu963/videos/747762915631855/
