Gisugat sa pagkasunog sa usa ka truck nga nagkarga og 40,000 pounds sa ribeye steaks ang unang adlaw sa trabaho sa usa ka bumbero sa Missouri fire department sa Estados Unidos.
Mitaho sa social media ang Doolittle Rural Fire Protection District nga ang mga tripulante nila miresponde sa insidente sa sunog niadtong Lunes, Agosto 18 sa usa ka gikataho nga tractor-trailer nga nasunog sa eastbound Route 174.
Matod pa nga sa dihang pagresponde sa sunog, ang ilang probationary firefighter nga si Jenna Ulrich kay nagtala sa iyang unang sabak sa eksena kauban iyang amahan nga bumbero sab nga si Glenn Ulrich.
Nasuta sa fire department nga si Jenna kay ang nag-inusarang vegan sa ilang buhatan.
Maayo nalang daw og malampuson ang pagresponde niini tungod kay walay natalang naangol sa sunog apan nanga-usik nga ang karga nga steak sa maong truck.
